Dan takarar Gwamnan Jihar Ribas a jam’iyyar APC, Mista Tomye Cole ya tsallake rijiya da baya yayin da wasu da ake zargin ‘yan daban siyasa ne suka farmeke sa a Fatakwal, babban birnin Jihar Ribas.
‘Yan daban sun kuma farmaki jami’an tsaron da ke bai wa dan takarar kariya tare da farfasa motocinsa.
- Dubi Ga Sabbin Hanyoyin Kutse A Facebook, WhatsApp Da Asusun Ajiyar Banki
- Karya Azumi Da Hukunce-hukuncensa
LEADERSHIP ta ruwaito cewa, Mista Cole dai na hanyarsa ta zuwa ofishin hukumar zabe (INEC) ne domin mutunta yarjejeniyar da aka cimma tare da kwamishinan zaben jihar, Johnson Sinikiem domin amsar kwafi na sakamakon zaben da aka gudanar kwanakin baya a jihar.
A ranar Juma’a ne dai bayan da Cole ya ziyarci ofishin INEC ya shaida wa manema labarai cewa kwamishinan zaben ya tabbatar masa da cewa zuwa ranar Litinin kwafin zai samu don haka ya zo ya karba.
Sai dai bayan harin da aka kai masa a hanyarsa, jami’an tsaro sun yi kokarin cetonsa daga hannun ‘yan daban.
Sai dai har zuwa yanzu APC da ‘yan sanda babu wanda ya ce uffan kan lamarin da ya faru.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
