Ko Meye Ya Yi Zafi Mane Ya Nushe Sane Bayan Shan Kaye

Ana sa ran Sadio Mane zai ba da hakuri a gaban ‘yan wasan Bayern Munich bayan ya naushe abokin wasansa Leroy Sane a fuska bayan da Manchester City ta doke su a gasar cin kofin zakarun Turai a ranar Talata.

Jaridar Sky Germany ta ruwaito cewa leben Sane ya zubar da jini bayan rikicin da ya kaure a tsakanin ‘yan wasan a dakin hutu wanda har sai da sauran abokan wasansu suka shiga tsakani don raba su.

• Mun Shirya Tsaf Don Sake Yin Zabe A Jihohin Adamawa, Kebbi– INEC

Mahukunta kungiyar ta Bayern Munich sun gudanar da wani taron gaggawa a ranar Laraba don tattauna yiwuwar hukunta Mane.

Ana sa ran Mane zai ba da hakuri a gaban ‘yan wasan kungiyar yayin atisayenta na ranar Alhamis.

Manchester City mai masaukin baki ta lallasa kungiyar Bayern Munich a filin wasa na ettihad da ci 3:0.