Hukumar kula da harkokin sararin samaniya ta kasar Sin ta sanar da cewa, ‘yan sama jannatin kumbon Shenzhou-15 dake aiki a tashar binciken sararin samaniya ta kasar Sin wato Tiangong, sun kammala tattaki karo na hudu a sararin samaniya.
Fei Junlong da Zhang Lu, tare da Deng Qingming wadanda suka yi aiki a cikin tashar binciken sararin samaniyar gami da tawagar masu ba da taimako a kasa, sun yi hadin gwiwa don gudanar da dukkan ayyukan da aka tsara a ranar Asabar. Tuni dai Fei da Zhang suka koma cikin bangaren dakin na Wentian lami lafiya
Yanzu haka ‘yan sama jannatin uku sun gudanar da ayyuka daban daban a lokuta hudu, tun bayan da aka harba su zuwa sararin samaniya a watan Nuwamban shekarar 2022, inda suka kafa tarihin cikin gida na zama rukunin ‘yan sama jannati mafiya yawan zirga-zirga a sararin samaniya. (Ibrahim)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
