Kamfanin NNPCL Ya Goyi Bayan Cire Tallafin Man Fetur, Ya Yi Alkawarin Samar Da Wadataccen Mai

Kamfanin mai na Nijeriya (NNPCL), ya yaba da matakin da gwamnatin tarayya ta dauka na cire tallafin man fetur.

A cikin umarnin farko na manufofin gwamnatinsa, Shugaba Bola Tinubu, a ranar Litinin, ya bayyana sanarwar cire tallafin man fetur nan take.

• Asusun IMF Ya Yabawa Kasar Sin Bisa Tallafinta Ga Kasar Ghana A Fannin Warware Basussuka

Ya bayyana hakan ne a jawabinsa na farko a matsayin sabon shugaban Nijeriya na 16.

Bayan wani taron gaggawa da aka yi a Abuja, Babban Daraktan Rukunin (GCEO) Kamfanin man fetur na kasa, NNPC Limited, Mallam Mele Kyari, ya bayyana cewa, tallafin man fetur shi ke kwashe wa kamfanin kudadensa amma cire tallafin yanzun, zai samar wa kamfanin da kudade da zai gudanar da ingatattun ayyuka.