Sabon shugaban Nijeriya, Bola Ahmed Tinubu ya yi karin haske game da kalamansa na cire tallafin man fetur a fadin kasar.
A cewar wata sanarwa da masu taimaka masa kan yada labarai suka fitar a ranar Talata, 30 ga Mayu, 2023, “furucin da Shugaba Bola Tinubu ya yi na cewa ‘tallafin man fetur ya kare’ ba wani abu bane sabo da gwamnatinsa ta kirkira.
“Kawai, ya sake nanata halin da ake ciki ne, la’akari da cewa kasafin kudin tallafin man fetur da gwamnatin Buhari ta tsara, ta amince da tallafin ne kawai a rabin farkon shekara.”
Wannan yana nufin cewa, a karshen watan Yunin 2023, Gwamnatin Tarayya za ta kasance bata da wani tanadin kudade don ci gaba da biyan tallafin man fetur.
Shugaban ya kuma bukaci ‘yan Nijeriya da cewa, kar su shiga wani firgici ko damuwa, cire tallafin ba zai fara aiki nan take ba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
