A yau Lahadi, shugaban kasar Sin Xi Jinping ya mika sakon taya murnar cika shekaru 43 da samun ‘yancin kan kasar Vanuatu ga shugaban kasar Nikenike Vurobaravu.
Shugaba Xi Jinping ya yi nuni da cewa, kasar Sin da kasar Vanuatu sun sada zumunci cikin dogon lokaci. Ya ce a cikin shekarun baya-baya nan, an samu babban ci gaba kan raya dangantakar dake tsakanin kasashen biyu, kuma sun yi imani da juna a fannin siyasa, da kuma yin hadin gwiwa a dukkan fannoni, wanda ya sa kaimi ga samar da moriya ga jama’ar kasashen biyu. Ya kara da cewa, kasar Sin na dora muhimmanci sosai kan raya dangantakar dake tsakaninta da kasar Vanuatu, da son hada hannu da shugaban kasar wajen sa kaimi ga raya dangantakar abokantaka bisa manyan tsare-tsare a dukkan fannoni a tsakanin kasashen biyu. (Zainab)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
