Mutum biyar ne aka rahoto sun kune kurmus har lahira a ranar Asabar sakamakon wutar da ta barke daga wata motar tanka shake da man fetur a Kwara.
Majiyoyi sun ce, wadanda suka rasun sun rasa rayukansu ne a hatsarin tankar da ya afku a kan babban hanyar Illorin zuwa Jebba a karamar hukumar Moro da ke jihar Kwara.
- Hadarin Kwale-Kwale Ya Sake Yin Sanadiyyar Mutuwar Fasinjoji 11, 10 Sun Bace A Adamawa
- Hadarin Mota Ya Yi Sanadiyyar Mutuwar Mutum 2 A Kan Hanyar Legas Zuwa Abeokuta
Majiyar sun tabbatar da cewa, mutum biyar ne suka rasa rayukansu yayin da wasu mutum bakwai kuma suka gamu da raunuka sakamakon hadarin.
Da aka tuntubi jami’in yada labarai na hukumar kashe gobara ta jihar Kwara, Hassan Adekunle, ya tabbatar da faruwar lamarin, ya kara da cewa, jami’ansu sun yi kokarin kashe wutar gobarar.
“Mutane da dama sun jikkata wasu kuma daga baya sun rasu a asibiti. Amma ba zan iya baku adadin ba a halin yanzu,” inji Adekunle
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
