An sako mahaifin Luiz Diaz ne bayan da ya shafe kwanaki 12 tun bayan sace shi da aka yi a wani gari da ake kira Barrancas.
Gwamnatin Colombia ta sanar da sako mahaifin dan wasan Liverpool, Luis Diaz, wanda wata kungiyar guerrilla mai ta da kayar baya ta yi garkuwa da shi.
- An Yi Garkuwa Da Iyayen Dan Wasan Liverpool Luis Diaz A Colombia
- Maddison Ba Zai Buga Wasansu Da Liverpool Ba Saboda Raunin Da Ya Samu
A ranar 28 ga watan Oktoba aka sace Luiz Manuel Diaz a karamin garin Barrancas, lamarin da ya janyo hankalin duniya.
Kungiyar masu ta da kayar bayan ta National Liberation Army ko ELN ta tabbatar da cewa mambobinta ne suka kama mahaifin Diaz a bisa kuskure kamar yadda suka ce.
Wata tawagar gwamnati ce ta sanar da sako mahaifin Diaz, wacce ke kan tattaunawa da kungiyar ta ELN kan samar da zaman lafiya.
