Babban jami’in kula da harkokin al’adu da yawon bude ido na kasar Sin, ya bayyana cewa, kasuwar yawon shakatawa ta kasar Sin ta samu gagarumin ci gaba a cikin watanni 9 na farkon bana.
Alkaluman da ma’aikatar al’adu da yawon bude ido ta kasar Sin ta fitar sun nuna cewa, yawan masu yawon bude ido na cikin gida ya kai biliyan 3.67, yayin da kudin shigar da aka samu a wannan lokaci, ya kai kudin Sin RMB yuan triliyan 3.7, kwatankwacin dalar Amurka biliyan 520.47, wanda ya nuna karuwar kashi 75 cikin 100 da kashi 114 bisa 100 bi da bi bisa makamancin lokaci na bara.
Mataimakin ministan al’adu da yawon bude ido na kasar Sin Du Jiang, ya ce karuwar sha’awar tafiye-tafiye a tsakanin mazauna a wannan shekara, ta sa bunkasar harkar yawon shakatawa na cikin gida sosai.(Ibrahim)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
