An ji karar fashewar abubuwa masu karfi a Sebas-topol birni mafi girma a Crimea da Rasha ta mamaye.
Gwamnan yankin Mikhail Razbo-zhayeb ya ce an kakkabo wani makami mai linzami da Ukraine ta harba a kan ruwa, inda ya ce ba a samu asarar rai ba.
An kuma ji karar fashewar wasu abubuwa a Birnin Belgorod na kasar Rasha, inda jami’ai suka ce mutum daya ya mutu.
Yakin da ake gwabzawa tsakanin bangarorin biyu ya kara kamari tun a karshen watan jiya.
A cewar shugaba Bolodymyr Zelensky, Rasha ta harba makamai masu linzami da jirage marasa matuki sama da dari biyar a kan Ukraine cikin kwanaki biyar da suka gabata.
