‘Yar takarar gwamnan jam’iyyar APC a zaben 2023 a Jihar Adamawa, Sanata Aishatu Dahiru Binani, ta yi magana game da hukuncin da kotun koli na ranar Laraba, hukuncin da ya tabbatar da zaben gwamna Ahmadu Umaru Fintiri na jam’iyyar PDP, a matsayin gwamnan jihar.
Binani, ta ce ta amince da hukuncin kotun na gaskiya, ta kuma yi kira ga magoya bayanta da su amince da hukuncin.
- Nasarata A Kotu Ta Nuna Adalcin Dimokuradiyyar Nijeriya – Gwamna Fintiri
- Nijeriya Ta Yi Allah-Wadai Da Ficewar Nijar, Mali Da Burkina Faso Daga ECOWAS
Ta kara da cewa “A kowane hali sai an samu wanda ya yi nasara da wanda bai yi nasara ba, ina gode wa magoya bayana bisa goyon bayan da suka ba ni.
“Alhamdulillahi, Alhamdulillahi, Alhamdulillahi, na gode wa Allah a kan komai da kuma magoya bayana maza da mata da yara kan gudunmawar da suka bayar a fannoni daban-daban tun farkon shiga zabe har zuwa yanzu” in ji Binani.
A ranar Laraba ne dai, kotun koli da ke Abuja ta tabbatar da nasarar Ahmadu Fintiri a matsayin zababben gwamnan Jihar Adamawa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
