Mai tsaron ragar tawagar Super Eagles Stanley Nwabali ya murmure daga raunin da ya samu yayinda suke shirye-shiryen tunkarar kasar Angola a wasan daf da na kusa da karshe a ranar Juma’a a filin wasa na Felix Houphouet Boigny da ke Abidjan na kasar Cote d’Ivoire.
Tsohon dan wasan na Lobi Stars ya samu yabo daga magoya bayan tawagar ta Super Eagles bayan ya taka rawar gani a dukkan wasannin da Nijeriya ta buga a gasar AFCON ta bana.
- AFCON 2023: Super Eagles Ta Tsallake Zuwa Zagaye Na 16 Bayan Doke Guinea-Bissau
- AFCON 2023: Hasashe Ya Nuna Nijeriya Ce Za Ta Lashe Gasar Cin Kofin Afirika Ta Bana
Nwabali, ya samu rauni a wasan da Super Eagles ta doke kasar Kamaru a wasan zagaye na 16 a ranar Litinin, amma yanzu haka ya dawo atisaye kuma zai iya buga wasan gobe inji likitocin tawagar.
