A yau Lahadi manyan kungiyoyin kwallon kafa da ke da mazauni a daya daga cikin manyan biranen kasar Ingila za su kara da juna a wasan mako 27 na gasar Firimiya ta kasar Ingila.
Wasa tsakanin Manchester United da Manchester City yana matukar daukar hankalin masu sha’awar kallon kwallon kafa a fadin Duniya.
Duba da cewa duka manyan kungiyoyin biyu suna zaune ne a gari daya, wato Manchester, kuma dukkansu sun lashe manyan kofuna a fannin kwallon kafa kuma suna da manyan ‘yan wasa wadanda suka iya taka leda.
Kungiyoyin biyu sun hadu har sau 189 a tarihi a mabanbantan kofuna da wasannin sada zumunta, inda Manchester United take kan gaba a samun nasarori da nasara 77, sun kuma yi kunnen doki a wasanni 59.
