Wata kotun majistare ta Badagry da ke jihar Legas, a ranar Talata, ta bayar da umarnin tsare wani malamin addini mai shekaru 45, Mista Sunday Adewoye, wanda ake zargi da yi wa wata mata ‘yar shekara 22 fyade.
Alkalin kotun, Mista Patrick Adekomaiya, bai amsa rokon Adewoye ba, inda ya ce, yana bukatar fadakarwa daga DPP, ya kuma dage sauraron karar zuwa 3 ga watan Yuni.
Tun da farko, dan sanda mai shigar da kara, Insfecta Ayodele Adeosun, ya shaida wa kotun cewa, a ranar 17 ga watan Afrilu da misalin karfe 5 na yamma a kan hanyar Joseph Dosu, Badagry, Adewoye ya yi lalata da matar ba tare da izininta ba wanda ya saba wa sashi na 260 da 263 na dokar laifuka ta Jihar Legas, kundun doka na shekarar 2015.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
