Gwamnatin jihar Kaduna ta ce dakarun rundunar soji ta ‘Operation Whirl Punch’ ta kashe wasu ‘yan bindiga guda hudu da suka hada da wani kasurgumin dan bindiga a yayin da suke sintiri a karamar hukumar Giwa a jihar a karshen mako.
Kwamishinan ma’aikatar tsaron cikin gida da harkokin cikin gida, Samuel Aruwan, a wata sanarwa da ya fitar a ranar Litinin, ya ce, bisa ga bayanan da rundunar ta bayar, sojojin sun kai samamen ne a kauyen Tumburku da Sabon Sara, dukkansu a cikin karamar hukumar Giwa.
Sojojin sun yi nasarar kashe ‘yan bindiga hudu a yayin samamen tare da kwato makamai da kayayyaki da dama.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
