Kwamishinan ilimi mai zurfi na jihar Kano, Yusuf Kofar-Mata, ya rasa iyalansa uku a wata gobara da ta tashi.
Kwamishinan ya bayyana hakan ne a shafinsa na Facebook a ranar Laraba.
- Matsalar Tsaro: Ɗalibai Sun Ƙaurace Wa Ɗakunan Kwana A Lakwaja
- IMF Ya Daga Hasashen Ci Gaban Tattalin Arzikin Sin Na 2024 Zuwa Kashi 5%
Wadanda suka rasa ransu a ibtila’in sun hada da ‘yarsa mai suna Maimuna; yayarsa, Khadija, da matar dan uwansa, Juwairiyya.
An samo cewa, gobara ta kone gidan kwamishinan da ke Kofar-Mata a Kano da safiyar Laraba yayin da iyalan ke barci.
Wata majiya daga dangi ta ce, kayayyaki masu daraja sun salwanta a yayin wannan mummunan lamari.
Kakakin hukumar kashe gobara ta jihar, Abdullahi Saminu, ya ce ba za a iya gano irin barnar da gobarar ta yi ba da kuma musabbabin tashin gobarar da gaggawa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
