Jakadan Sin dake kasar Najeriya Yu Dunhai, ya ce gudanar da taron kolin dandalin hadin gwiwar Sin da kasashen Afirka(FOCAC) zai samar da kyakkyawar dama ga Sin da kasashen Afirka wajen kara hadin kai, da zurfafa hadin gwiwa, da zamanintar da kasashen, da kuma raya kyakkyawar makomar bai daya ta Sin da Afirka.
Yu Dunhai ya bayyana haka ne yayin zantawarsa da wakilin kafar CGTN, lokacin da yake tsokaci dangane da taron koli na dandalin FOCAC na shekarar 2024 da za a gudanar a birnin Beijing.
- Mashawarcin Shugaban Amurka Kan Harkokin Tsaro Zai Ziyarci Kasar Sin
- ‘Yan Afirka Da Za Su Haska A Firimiyar Ingila
Ya kara da cewa, kasar Sin kasa ce mai tasowa mafi girma a duniya, kana kasancewarta daya daga cikin kasashe masu tasowa na duniya, tana dora muhimmanci kan hadin gwiwar dake tsakaninta da sauran kasashe masu tasowa. Ya ce cikin shekaru 24 bayan kafuwar dandalin FOCAC, karkashin tsarin dandalin, Sin da kasashen Afirka sun yi hadin gwiwa cikin nasara a fannoni daban daban, lamarin da ya amfanawa jama’ar bangarorin biyu baki daya.
Haka zalika, Yu Dunhai ya jaddada cewa, Najeriya babbar kawa ce ta kasar Sin a nahiyar Afirka, kuma ya yi imanin cewa, taron kolin dandalin FOCAC da za a gudanar a wannan karo zai samar da wata muhimmiyar dama ga Sin da Najeriya, ta yadda za su karfafa hadin gwiwa da daukaka dangantakar dake tsakaninsu zuwa wani sabon matsayi. (Zainab Zhang)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
