Hadin Kara Wa Mace Ni’ima Da Sha’awa Da Karin Dandano

Assalamu alaikum masu karatu, barkan mu da sake haduwa da ku a wannan makon a cikin shirin namu mai farin jini da albarka na Adon Da Kwalliya.

A yau shafin na mu zai kawo muku yadda za ku kara wa kanku ni’ima da dandano.

• Kakakin Ma’aikatar Tsaron Sin Ya Yi Tir Da Sayar Da Makamai Da Amurka Ke Yi Wa Taiwan
• CMG Ta Gabatar Da Shirye-Shiryen Talabijin A Peru

Macen da ke so ta rikita mai gida to ga hanya mai sauki, ke ko mota kike so in dai ki ka yi wannan hadi to fa kin samu, amma fa idan an samu mota kar a manta da ni.

Hanyar kuwa itace:

Kayan hadi:

Dabino, kwakwa (coconut), Nonon Rakumi, Zuma

Yadda za ku hada:

Da farko za ki cire kwallon dake cikin dabino, sai ki kawo kwakwarki bayan kin bare bayanta ki samu ruwa kadan ki zuba a kai ki nika su.

Bayan kin gama sai ki kawo zuma kamar rabin kofi, nonon Rakumi kamar kofi daya ki hada da kwakwar nan da kika hada da dabino ki hade da zuma da nonon Rakumin waje daya.

Ki rika sha kadan-kadan kamar tsawon kwana 7 za ki ba da labari.

Hadin zuma:

Abubuwan da ake bukata:

Zuma, Garin Habbatussauda, Man Zaitun

Yadda zaki hada

Karin ni’ima da motso sha’awa za ki sami Zuma mai kyau ki zuba garin Habbatus-sauda da man Zaitun ki juye su guri guda sai ki dinga sha babban cokali biyu da safe da kuma yamma.

Hadin dayan kwai:

Yana karawa mace kuzari ba tare da ta gaji ba wajen jima’i kuma yana kara wa mace ni’ima da sha’awa.

Abubuwan bukata:

Lifton, danyen kwai, zuma, a jika Lifton da ruwa kadan har sai ya yi baki, sai ki fasa kwai ki hada shi, ki zuba cikin ruwan Lifton kina iya zuba madara Peak sai ki zuba zuma ki dinga sha.

Karin ni’ima.

Za ki iya yin shayin kara karfin sha’awa da ni’ima yadda za ki yi shi ne, ki samu sassaken baure ki daka shi sai ki daka kanunfari ki hada da Lefton kina sha za ki yi mamaki.

Gyara kanki da kanki:

Maganin sanyin mara da rashin ni’ima;

Macen da take fama da sanyin mara ko daukewar sha’awa ko rashin ni’ima ga abin da za ta hada in sha Allah za ta samu waraka.

Garin Girfa (Cinnamon), garin kanunfari (clobe)

Za a samu garin girfa kamar cokali 5 garin kanunfari cokali 7 za ki hade waje daya, sai ki rika diban rabin karamin cokali kina zubawa a ruwan shayi kina sha sau 2 a rana har na tsawon sati daya. Za a samu waraka da yardar Allah.

Domin karin ni’ima:

Kamar yanda mata ke ajiye zuma a gida haka yanzu mata ba sa rabuwa da kanumfari domin duk wani hadin daka na musamman ko hadin ruwan jaraba ko wani tsumi idan kuka bincika, za ku ga akwai sa hannun kanumfari don haka kema ki ajiye shi don burge maigida duk lokacin da za ki dafa shayi kada ki manta da shi domin idan ya hadu da lifton yana aiki ajikin mace wajen karin ni’ima kuma yana da kyau a jinki ya zama akwai kanumfari a ciki.