Jaruma a masana’antar Kannywood kuma makusanciya ga mawakin siyasa Dauda Kahutu Rarara Aisha Humaira ta karyata maganar da ake yi cewar mawakin ya kai kudin aurenta(Sadaki) a wata tafiya da su ka yi zuwa birnin Maiduguri domin kai kayan tallafi ga wadanda iftila’in ambaliyar ruwa ya shafa a watan Satumba.
Da ta ke amsa tambaya akan sahihancin maganar da ake yi cewar akwai alaka mai karfi a tsakaninta da mawaki Dauda Kahutu Rarara wanda har ta kai ga batun aure,wanda shi Rarara yanzu haka aka ce ya dauki kudin auren Aisha ya kai wa magabatan jarumar,Aisha ta ce ko kusa wannan magana babu kamshin gaskiya a ciki.
- Gwamnatin Kano Za Ta Fassara Litattafan Kimiyya Da Hausa – Mataimakin Gwamnan Kano
- MOFA: Kasar Sin Na Son Sanya Sabon Kuzari A Ci Gaban Tattalin Arzikin Yankin Asiya Da Tekun Fasifik Da Ma Duniya
Kamar yadda na fadi a baya da ni da Dauda akwai kyakkyawar fahimta a tsakaninmu hasali ma idan ka ganmu tare zaka iya cewa mu tagwaye ne saboda yadda jininmu ya hadu da shi,amma maganar aure a yanzu dai babu ita, domin kuwa maganar da ake cewar ya kai kudin aurena gidanmu ba gaskiya bane,kawai dai mutane na fadin hakan ne saboda jin dadin bakinsu inji Humaira.
A kwanakin baya dai mutane sun yi ta maganganu dangane da yiwuwar auren Aisha Humaira da Dauda Kahutu Rarara inda har aka samu wasu mutane su na hada hotunan mawakan biyu, wata waka da Dauda ya rera mai taken AISHA ya kara ruruta wutar zato a zukatan mutane kafin ya fito ya bayyana cewar wannan wakar da ya yi ba don komai ya yi ta ba illa shirin fim kuma ita Aisha Humaira ta bukaci ya rera mata wakar wadda aka yi amfani da ita a cikin wani shirin fim da ta dauki nauyi mai suna A Cikin Biyu.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
