Kungiyar Haɗin Kan Musulunci ta Duniya Ta Ziyarci Medina Baye Niass

Wakilan Kungiyar Haɗin Kan Musulunci ta Duniya Sun Ziyarci Madina Baye Niass da ke Kaulakha a Ƙasar Senigal.

Tawagar Ƙungiyar Haɗin Kan Musuluncin ta Duniya dai ta kai ziyarar ce bisa jagorancin Babban Sakatarenta, Dakta Abdurrahman Ibn Abdallah zuwa Medina Baye Niass.

• Ma’aikatan Wutar Lantarki Sun Janye Yajin Aikin Da Suka Fara Na Mako 2

Ziyarar dai ta musamman ce domin rattaba hannu na haɗin gwiwa a tsakanin Kungiyar Musuluncin ta Duniya da Ƙungiyar Haɗin Kan Musulmi ta Afirka da aka ƙaddamar kwanan baya a Ƙasar Sudan wadda aka damƙa shugabancinta a hannun Khalifan Shehu Ibrahim Niass, Shehu Muhammadul Mahi Niass.