A ‘yan kwanakin da suka gabata, shugaban kasar Sin Xi Jinping ya gana da masu masana’antu da ‘yan kasuwa na kasa da kasa, inda ya karfafa musu gwiwar kara gudanar da harkokinsu da zuba jari a kasar Sin. Roland Busch, shugaban kwamitin darektoci na kamfanin Siemens yana daya daga cikin baki mahalarta ganawar. A yayin da yake zantawa da wakiliyar CMG, ya bayyana cewa, shugaba Xi da kansa ya halarci ganawar, wanda ya isar da sakon cewa, kasar Sin za ta kara bude kasuwarta, da maraba da kamfanonin kasashen waje da su gudanar da kasuwanci da zuba jari a kasar, lamarin da ya burge kowa da kowa kwarai da gaske.
Roland Busch ya jaddada cewa, kamfaninsa bai taba yin la’akari da janye jiki daga kasuwar kasar Sin ba, sabo da kasar Sin na daya daga cikin manyan kasuwannin Siemens a duniya, a sa’i daya kuma, kasar tana bunkasa zuwa kasuwa mafi kuzari a fannin kirkire-kirkire. Abu na karshe kuma mafi muhimmanci shi ne, akwai kwararru masu inganci a kasar. Ya ce wadannan su ne suka kasance muhimman dalilan da suka sa kamfaninsa ya himmantu wajen karfafa gudanar da harkokinsa a kasar Sin.(Mai fassara: Bilkisu Xin)
