A Bana Jiragen Kasa Na Sin Da Kasashen Turai Sun Yi Tafiye-Tafiye Fiye Da Dubu 10

Mai magana da yawun ma’aikatar harkokin wajen kasar Sin Mao Ning, ta bayyana a taron manema labaru da aka saba shiryawa Larabar nan cewa, a yayin da ake fama da koma baya a fannin samar da kayayyaki a duniya, da ma raunin ci gaban tattalin arzikin duniya, layin dogon dakon kaya tsakanin Sin da Turai ya bude sufurin jiragen kasa dubu 10 gabanin lokacin da aka tsara, lamarin dake zama wani labari mai karfafa gwiwa.

Rahotanni sun nuna cewa, jirgin kasa na dubu 10 tsakanin Sin da Turai a bana, ya isa nahiyar Turai kwanaki 10 kafin lokacin da aka tsara kan na shekarar bara.(Mai fassarawa: Ibrahim daga CMG Hausa)