Mahukunta a lardin Sichuan na kasar Sin sun sanar a ranar Litinin da ta gabata cewa, mutane 93 sun mutu, yayin da wasu 25 suka bace, bayan da wata girgizar kasa mai karfin maki 6.8 da ta afku ranar 5 ga watan Satumba, a gundumar Luding da yankunan dake makwafta da ita, da ke kudu maso yammacin lardin Sichuan na kasar Sin.
A cewar hedkwatar ceto, mutane 55 daga cikin wadanda suka mutu, ya faru ne a yankin Ganzi mai cin gashin kansa na jihar Tibet, inda Luding yake, yayin da aka bayar da rahoton mutuwar mutane 38 a birnin Ya’an da karfe 5 na yammancin jiya.
Daga cikin mutanen da suka bace, 9 sun kasance a Luding, sai 16 a Ya’an dake gundumar Shimian.(Ibrahim)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
