An ayyana Mista Pam Dachungyang na jam’iyyar ADP a matsayin wanda ya yi nasarar lashe zaben Sanatan Filato ta Arewa da aka yi ranar Asabar.
Jami’in kula da zaben na hukumar zabe mai zaman kanta ta kasa (INEC), Farfesa Nestor Chagok ne ya bayyana sakamakon zaben da safiyar ranar Litinin.
- LP Ta Lashe Zaɓen Mazaɓar Ɗan Majalisar Tarayya Ta Jos North/Bassa A Zaɓen Cike-gurbi
- Daliban Jami’ar Jos 6 Da Aka Sace Sun Shaki Iskar ‘Yanci
Chagok ya ce Dachnggyang ya samu kuri’u 122,442 inda ya doke wasu ‘yan takara 10 a zaben.
Ya ce Mista Yakubu Shafi’u na jam’iyyar NNPP ya zo na biyu da kuri’u 53,980, yayin da Mista Christopher Giwa na jam’iyyar APC ya zo na uku da kuri’u 39,132.
Chogok ya ce “Bayan samun kuri’u mafi inganci da kuma gamsuwa da ka’idojin doka, an sake zaben Mista Pam Mwadkon Dachungyang.”
Jam’iyyar ADP ta samu nasara a dukkanin kananan hukumomi shida na mazabu da suka hada da Barkin Ladi da Bassa da Jos South da Jos East da Riyom da Jos North.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
