Gabanin wasan kusa da na karshe da Super Eagles za su buga da Bafana Bafana ta Afrika ta Kudu a gasar cin kofin nahiyar Afrika da za a gudanar a yau Laraba, kungiyar gwamnonin jam’iyar APC ta baiwa tawagar Super Eagles kyautar Naira miliyan 200 don karfafa masu guiwa.
Ministan wasanni, Sanata John Owan Enoh, ne ya bayyana hakan a wata sanarwa da mai taimaka masa ta musamman kan harkokin yada labarai Diana-Mary Nsan ta sanyawa hannu da ta rabawa manema labarai a Abuja ranar Laraba.
Sanata Enoh, ya yaba da kwazon Gwamna Hope Uzodimma na Jihar Imo, wanda shi ne shugaban kungiyar gwamnonin APC da daukacin mambobin kungiyar bisa gagarumin tallafin da suka baiwa tawagar kwallon kafa ta kasa gabanin wasan kusa da na karshe da kasar Afrika ta Kudu.
Ya ce tuni gwamnonin jam’iyyar APC suka bayar da zunzurutun kudi har Naira miliyan 200 ga ‘yan wasan.
