AFCON 2023: Hasashe Ya Nuna Nijeriya Ce Za Ta Lashe Gasar Cin Kofin Afirika Ta Bana

Wani hasashe da na’urar Opta tayi ya aza Nijeriya kan gaba a cikin jerin kasashen da suka fi damar lashe gasar AFCON ta bana da ake fafatawa a kasar Cote de’Voire.

Hakan ya faru ne bayan da aka fitar da manyan kasashe irinsu Senegal da Morocco daga gasar kamar yadda Opta supercomputer ta bayyana.

An bayyana Nijeriya a matsayin wadda keda kaso 28.8% na damar lashe kofin,inda take shirin karawa da Angola wasan kusa da na karshe a ranar Juma’a.