Tun farkon watan Maris na bana, ko ma kafin wannan lokaci ne, aka fara ganin wasu takardun sirri masu alaka da aikin soja na kasar Amurka, a shafukan sada zumunta da dama. Wadannan takardun sun kai fiye da 100, kana bayanan dake cikinsu, sun shafi yadda gwamnatin kasar Amurka ke da hannu a cikin yakin da ake yi tsakanin kasar Rasha da Ukraine, da yadda kasar ke sanya ido kan Ukraine, da Koriya ta Kudu, da dai sauransu.
A ranar Talata 11 ga wata, Lloyd Austin, sakataren tsaron kasar Amurka, ya gabatar da bayani dangane da batun bazuwar bayanan sirri a karon farko. A sa’i daya kuma, gwamnatin kasar ta sanar da alkawarinta na gano tare da cafke duk wanda ke da hannu wajen kwarmata takardun a shafukan sada zumunta. Hakan tamkar yarda ne da gaskiyar batun bullar bayanan sirri a fakaice.
Hakika yadda kasar Amurka ta rika sanya ido kan kawayenta cikin shekaru fiye da 10 da suka wuce, asiri ne ba asiri ba. Kasar na yin haka ne don neman shawo kan kasashe kawayenta, ta yadda za ta iya yin babakere a duniya. A ganin kasar Amurka, moriyar kai ta fi zumunci. (Bello Wang)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
