An bude damar yin rajistar ‘yan jarida dake son halartar baje kolin kasa da kasa, na harkokin samar da hidimomi ko CIFTIS na bana, wanda zai gudana a birnin Beijing a farkon watan Satumba dake tafe.
Mashirya baje kolin sun bude damar rajistar kafafen watsa labaran ne tsakanin ranaikun 1 zuwa 15 ga watan nan na Agusta. Kuma ‘yan jarida na iya yin rajista kan shafin yanar gizo na baje kolin, wato www.ciftis.org, ta sashen shiga baje kolin, da kuma zabar fannin rajistar ‘yan jarida.
Daga bisani kuma, za a sanar da hanyar karbar katunan shaidar halartar baje kolin ga ‘yan jaridar da aka amincewa, a sashen watsa labarai na shafin yanar gizon baje kolin. (Mai fassara: Saminu Alhassan)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
