Jami’an rundunar ‘yansandan Jihar Bauchi sun yi nasarar dakile wani mataki na kama wani matashi dan shekara 37 da ake zargi da yin lalata da agolarsa mai shekaru 15 a duniya.
A cewar rundunar, jami’an ‘Operation Restore Peace’ karkashin jagorancin CSP Kim Abert, sun yi aiki da sahihan bayanan sirri, lamarin da ya kai ga kama wanda ake zargin Wisdom Benoie.
- Hukumar NPA Ta Bayar Da Kwangilar Aikin Ruwa Na Tashar Lekki
- Dalibai Sama Da Miliyan 13 Ne Za Su Rubuta Jarrabawar Shiga Jami’a Ta Kasar Sin
Jami’in hulda da jama’a na rundunar ‘yansandan jihar, Ahmed Wakil ne ya bayyana hakan a cikin wata sanarwar manema labarai ranar Litinin.
Wakil ya bayyana cewa, “A ranar 31 ga Mayu, 2025, wani mai suna Wisdom Benoie, mai shekaru 37, dan garin Yalwan Tsakani, ya fuskanci wasu gungun matasan yankin da suke zarginsa da lalata da diyarsa, (Joy, ba sunansa ne na gaskiya ba).
“Al’amarin ya bayyana ne bayan mahaifin wacce aka cutar ya kai rahoton lamarin ga sashin (ORP) da ke unguwar Yelwan Tsakani da ke Bauchi.”
PPRO ta bayyana cewa binciken farko ya nuna cewa wanda ake zargin yana auren mahaifiyar wanda aka cutar (da sakaya sunanta).
“An bayyana cewa ya yi lalata da yarinyar a lokacin da mahaifiyarta ke barci, yana shiga dakinta kuma yana aikata abubuwan da ba su dace ba a lokuta da dama.
“Wakil ya ce, “Yarinyar na shan wahala amma duk da haka ta kame bakinta sai da lamarin ya ta’azzara sannan ta fada wa makwabta, wanda hakan ya kai ga daukar matakin kama wanda ake zargi da aikata laifin,”
Ya ce a lokacin da ake yi masa tambayoyi an ruwaito wanda ake zargin ya amsa laifinsa.
“An kwashe wanda abin ya rutsa da shi zuwa asibiti domin duba lafiyarsa da kulawa.
“Kwamishanan ‘yansandan Jihar Bauchi, CP Sani-Omolori Aliyu ya bayar da umarnin mika karar zuwa sashen binciken manyan laifuka na jihar domin gudanar da bincike mai zurfi, daga nan kuma za a gurfanar da wanda ake zargin zuwa kotu.”
