An Yi Hasashen Tafiye-Tafiyen Fasinjoji A Bikin Bazara Na Sin Zai Karu Da Kashi 99.5

Mataimakin ministan sufuri na kasar Sin Xu Chengguang, ya shaidawa manema labarai Jumma’ar nan cewa, ana hasashen jimillar tafiye-tafiyen fasinjoji a kasar, a lokacin bikin bazara na bana, zai karu da kashi 99.5 bisa dari kan na shekarar 2022, zuwa kusan biliyan 2.095.

Ya bayyana cewa, balaguron hutun na bana, daga ranar 7 ga watan Janairu zuwa 15 ga Fabrairu, kusan tsawon kwanaki 40, shi ne mafi sarkakiya da kalubalen tafiye-tafiye, wanda ke cike da rashin tabbas sakamakon cutar COVID-19 da kuma yawan matafiya. (Mai fassarawa: Ibrahim daga CMG Hausa)