Ba Ni Da Sha’awar Buga Wa Nijeriya Kwallo A Nan Gaba – Omorodion

Dan wasan gaba na kungiyar kwallon kafa ta Athletico Madrid mai zaman aro a kungiyar Alaves, Samuel Omorodion ya bayyana cewar zuwa yanzu ya mayar da hankali ne kan wakiltar Spain.

Matashin mai shekaru 19, wanda a halin yanzu yake zaman aro a Alaves, haifaffen Spain ne amma iyayensa ‘yan Nijeriya ne.

• Ba Ni Da Sha’awar Buga Wa Nijeriya Kwallo A Nan Gaba – Omorodion
• Rashin Adalci Ne Karbe Kashi 40 Cikin 100 Na Kudaden Shigar Jami’oi (1)

Matashin yana iya wakiltar daya daga cikin kasashen biyu.

Omorodion, ya bayyana aniyarsa ta buga wa kasar Spain wasa a nan gaba.

“Spain ta ba ni dama kuma ina matukar godiya da hakan, ba na tunanin Nijeriya ko kadan.

“Burina shi ne in fara wasa tare da babban kulob kuma in yi aiki a Spain,” in ji shi.

Ya wakilci Spain a matakin matasa ‘yan kasa da shekaru 19 da kuma shekaru 20.