Beijing Ya Gabatar Da Matakai Don Bunkasa Kirkire-kirkire A Fannin Harhada Magunguna

Beijing ya gabatar da wani sabon cikakken shirin da ya kunshi sabbin matakai 32 don tallafawa ci gaban masana’antar harhada magunguna, kamar yadda mahukuntan birnin suka bayyana a ranar Litinin.

Shirin, wanda ofishin inshorar kiwon lafiya na birnin Beijing da wasu hukumomi takwas suka fitar, ya hada da matakan rage lokacin fara gwajin magunguna zuwa kasa da makwanni 20, da kaddamar da wani ma’ajiyar jini da kwayoyin halittu na manyan cututtuka mai sarrafa kanta, da samar da tsarin AI don nazarin cututtuka da bunkasa magunguna, da kaddamar da asusun masana’antar kiwon lafiya na Yuan biliyan 50 kimanin dalar Amurka biliyan 6.95.

Wadannan matakan za su kara habaka ci gaban masana’antun harhada magunguna, da bunkasa ayyukan bincike da ci gaba, da inganta ayyukan kiwon lafiya, a cewar ofishin. (Mohammed Yahaya)