CBN Ya Kara Kudin Ruwa Mafi Tsada A Cikin Shekara 22

Babban Bankin Nijeriya (CBN) ya kara kudin ruwa da kashi 18.75 daga kashi 18.5, wanda wannan ne kudin ruwa mafi tsada da aka taba samu a cikin shekara 22.

Mukaddashin gwamnan CBN, Folashodun Shonubi ne ya bayyana karin a lokacin da yake ganawa da manema labarai jim kadan bayan taron kwamitin tsare-tsaren harkokin kudade na kwanaki biyu da ya gudana a Abuja.

• A Hankali Za Mu Janye Tsofaffin Takardun Kudi —CBN

Wannan ita ce ganawa ta farko na kwamitin tsare-tsaren harkokin kudade da mukaddashin gwamnan na CBN ya jagoranta tun bayan dakatar da tsohon gwamnan, Godwin Emefiele.

Haka kuma wannan shi ne karon farko da kwamitin tsare-tsaren harkokin kudade ya fara ganawa a karkashin gwamnatin Bola Ahmed Tinubu.