Shugaban Majalisar Wakilai, Hon. Tajudeen Abbas, ya ce Nijeriya na bukatar zuba jarin kusan dala tiriliyan 3 nan da shekaru 30 masu zuwa domin dakile taɓarɓarewar ababen more rayuwa a kasar.
Abbas ya bayyana haka ne a yayin bikin kaddamar da aikin gina titin Ring Road zuwa kwatas din alkalai a babban birnin tarayya, Abuja.
- An Fitar Da Tsarin Manhajar Wayar Salula Na Farko Na Sin A Hukumance
- Tsohon Dan Majalisa, Farouk Lawan Ya Fito Daga Gidan Yari
Hon. Benjamin Kalu, Wanda ya wakilci mataimakin kakakin majalisar, ya yi nuni da cewa, samar da ababen more rayuwa ba wai ginshikin tattalin arziki ba ne kawai, a’a shi ne ginshikin ci gaban kasa.
Tun da farko, Ministan Babban Birnin Tarayya (FCT), Barista Nyesom Wike, ya gode wa Shugaban Majalisar da Majalisar Dokoki ta kasa bisa goyon bayan da suka ba shi, ya kuma bukaci dan kwangilar da ya kammala aikin a cikin lokaci, wanda zai bai wa Shugaba Tinubu damar kaddamar aikin a yayin bikin cika shekaru biyunsa a shugabancin Nijeriya.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
