Kamfanin gungun gidajen radio da talabijin na kasar Sin CMG, da kafar yada labarai ta kasar Peru El Comercio Group, sun sanya hannu kan yarjejeniyar zurfafa hadin gwiwa, a ranar Juma’a 15 ga watan nan a birnin Lima na kasar Peru.
Karkashin yarjejeniyar hadin gwiwar, CMG da El Comercio Group, za su rika aiwatar da musayar shirye-shirye, da hadin gwiwar tsara wasu shirye-shiryen da yada su tare, da karfafa cin gajiyar kirkire-kirkire na fasahohin watsa shirye-shirye, da bincike, da samar da ci gaba, da gudanar da musaya da horas da ma’aikata, tare da amfani da dukkanin fifikonsu wajen fadada harkokin da suka shafi kasuwar yada bayanai. (Saminu Alhassan)
