Da Ɗumi-ɗuminsa: Kwamishinan Harkokin Addini Na Jihar Sokoto Ya Rasu

Da yammacin nan ne muka samu labarin cewa Kwamishinan Kula da Harkokin Addini na Jihar Sokoto, Alhaji Usman Suleiman (Ɗanmadamin Isa) ya rasu.

Kwamishinan dai haziki ne a da ya nuna ƙwazo a dukkan ma’aikatun da ya yi aiki, kamar yadda sanarwar da mai Kwamishinan yada labarai na jihar ta Sokoto, Muhammad Akibu Dalhatu ta bayyana.

• Wani Soja Ya Hallaka Kwamandansa Ya Kuma Bindige Kansa Da Wasu Sojoji 2 A Sokoto

Za a yi jana’izarsa gobe da misalin ƙarfe 9 na safe a gidansa da ke yankin Polo Club da ke Sokoto.

Gwamna Aminu Tambuwal ya nuna alhinin rasuwar tare da mika ta’aziyya ga iyalan marigayin da daukacin al’ummar Sokoto.