Da Ɗumi-ɗuminsa: CBN Ya Ƙaryata Batun Karya Darajar Naira

Babban Bankin Nijeriya (CBN) ya ƙaryata batun cewa ya karya darajar Naira inda Dala 1 ta koma Naira 630.

CBN ya ce labarin da Jaridar Daily Trust ta bayar ba gaskiya ba ne, tunani ne kawai irin nasu.

Bankin ya ce ko a yau da safe ana sayar da Dala 1 a kan Naira 465 a kasuwar canjin kuɗi na gwamnati.

Don haka bankin ya yi kira ga ‘Yan Nijeriya su yi biris da labarin saboda ba shi da tushe balle makama.