Dan takarar gwamnan jihar Neja a karkashin jam’iyyar APC Hon. Umar Mohammed Bago, an ayyana shi a matsayin wanda ya lashe zaben gwamnan jihar da aka yi a ranar Asabar.
A yammacin ranar Litinin ne jami’in INEC da ke kula da zaben, Farfesa Clement Alawa wanda mataimakin shugaban jami’ar Abuja ne ya bayyana Bago a matsayin wanda ya lashe zaben jihar.
Da yake bayyana adadin kuri’un da aka tattara, ya ce, dan takarar jam’iyyar APC ya samu kuri’u 469,896 kuma ya samu nasara a kananan hukumomi 20 na jihar inda ya fafata da dan takarar jam’iyyar PDP, Kantigi wanda ya samu kuri’u 387,476 sannan ya samu nasara a sauran kananan hukumomi biyar da suka rage na Jihar.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
