Da Dumi-Dumi: PDP Ta Lashe Zabe A Rumfunan Zaben Gidan Gwamnatin El-rufai 

Jam’iyyar APC ta sha kaye a rumfuna biyu na zabe da ke cikin gidan Sir Kashin Ibrahim House, gidan Gwamnatin jihar Kaduna.

Dan takarar Gwamnan Jihar Kaduna na jam’iyyar (PDP), Isa Ashiru Kudan shi ne ya samu nasara a mazabar O14 da 77 yayin da kuma dan takarar APC, Uba Sani ya samu kuri’u 40.

• EFCC Ta Cafke Wasu Mutane 20 Da Take Zargi Da Sayen Kuri’u A Kwara

Jami’in kula da zaben (Presiding Officer), Mohammed Baso, ya kuma sanar da cewa dan takarar jam’iyyar LP ta samu kuri’a 0, PRP 1, NNPP 1, ya kaira da cewa sun samu kuri’u marasa kyau 7.

Kazalika, a rumfa ta 013 dukka da ke gidan Gwamnatin, jam’iyyar PDP ta samu kuri’u 69 yayin da kuma APC ta samu kuri’u 64.

Jami’in zabe a rumfar, Kalu Kelechi Michael ya ce, LP ta samu kuri’u 8 yayin da kuma PRP ta samu kuri’u 01, NNPP ita ma 01.