Jami’a a hukumar kula da raya kasa da aiwatar da gyare-gyare a cikin gida ta kasar Sin ko NDRC Huang Ru, ta ce ya zuwa watan Afirilun 2025, Sin ta gina cikakken tsarin gudanar da masana’antun kirkirarriyar basira ko AI, wanda babban sashensa ya kai darajar kudin kasar kusan yuan biliyan 600, kwatankwacin dalar Amurka biliyan 83.45.
Huang Ru, ta bayyana hakan ne cikin gabatarwar da ta yi dangane da bunkasar sashen AI na Sin, yayin taron kungiyar hadin gwiwar Sin da Shanghai ko SCO, kan batun hadin gwiwar harkokin AI, wanda ya gudana a birnin Tianjin na arewacin kasar Sin a Alhamis din nan.
Huang, ta ce adadin takardun neman izinin ikon mallakar fasaha na Sin a fannin na AI sun haura miliyan 1.5, adadin da ya kai kaso kusan 40 bisa dari na daukacin wanda ake da shi a fadin duniya baki daya. (Mai fassara: Saminu Alhassan)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
