DSS Ta Bankado Shirin Boko Haram Na Kai Wa Jirgin Kasan Abuja-Kaduna Hari

Hukumar Tsaro ta Farin Kaya (DSS), ta ce ta bankado wani shirin da Boko Haram ke yi na kai wa jirgin kasan Abuja zuwa Kaduna hari.

A cikin wata sanarwa da ma’aikatar Sufuri ta Tarayya ta tura wa hukumar a ranar Alhamis, ta nuna cewa, ma’aikatar tsaron, ta karbi wasikar daga wajen DSS kan barazanar ta kai harin Boko Haram jirgin kasan Abuja zuwa Kaduna.

• Da Dumi-Dumi: CBN Ya Umarci Bankuna Su Ci Gaba Da Karbar Tsoffin Kudi
• PDP Ta Nemi Buhari Da Ya Tilasta Wa ‘Yan APC Su Saki Sabbin Kudin Da Suka Boye Don Sayen Kuri’u

Ma’aikatar sufurin ta kuma yi kira ga ma’aikatar tsaron da ta dauki matakan gaggawa don yin taron gaggawa da masu ruwa da tsaki a fannin tsaro domin yin nazari a kan barazanar harin.

A ranar 28 ga Maris, 2022 ne gungun wasu ‘yan ta’adda suka kai hari kan jirgin kasan Abuja zuwa kaduna, inda suka sace matafiya da dama sannan suka hallaka wasu.