Hukumar tsaro ta farin kaya (DSS) ta kama Aisha Galadima, daya daga cikin magoya bayan siyasar tsohon gwamnan jihar Kaduna, Mallam Nasir El-Rufai, a Kaduna.
Kamen Galadima, ya biyo bayan wani rubutu da ta yi ne a shafinta na Facebook, inda ta soki gwamnan jihar, Sanata Uba Sani.
- Za A Gyara Wuta A Inganta Lafiya Da Ilimi Da Kuɗin Tallafin Lantarkin Da Aka Janye – Ministan Labarai
- Yadda Aka Gudanar Da Hawan Daba A Ƙauran Namoda Da Naɗa Gwamna Dauda Sarauta
Idan dai ba a manta ba, a kwanakin baya ne Gwamna Sani ya bayyana irin dimbin basussukan da El-Rufai ya bar masa.
Jami’an tsaro na farin kaya ne suka dauke ta daga gidanta da ke Kaduna a ranar Lahadi da yamma.
Daya daga cikin ‘yan uwan Aisha Galadima ne ya tabbatar da kamem a wata tattaunawa ta wayar tarho da wata kafar yada labarai ta yanar gizo.
Kokarin tabbatar da kamen daga hukumar DSS ya cutura har ya zuwa lokacin hada wannan rahoton.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
