Sama da jami’an hukumar yaki da cin hanci da rashawa (EFCC) Cadets ne suka kammala samun horo daga Sansanin horar da jami’an hukumar ‘yansanda (PMFTC), Ende-Hills, da ke jihar Nasarawa bayan daukan kwas na tsawon wata tara.
Jami’an sun samu horon ne a kan kwasa-kwasai guda hudu, masu mukamin mataimakan Insifekta 6 (DIC6), Maza 96 da kuma mata 19.
Da ya ke jawabi a wajen yayen, shugaban EFCC, Abdulrasheed Bawa, ya ce, “Horon ya fara ne daga watan Disamban 2022, Maza 96 da mata 19 ne suka samu horon, hakan ya kaimu ga samun Jami’an Cadets 115 a cikin hukumar EFCC.”
Kazalika, ya ce an koyar da su kan bangaren shari’a, fafatawa da sauran muhimman bangarori gabanin su fara gudanar da aikansu.
Ya kalubalanci jami’an da cewa, “Aiki ne jaa a gabanku da ya shafi kasa, don haka ku yi aiki tukuru domin cigaban kasar nan.”
Shi ma da yake jawabi, mataimakin Kwamandan horo ta PMFTC, Mohammed Yakubu Nda, ya ce, “Cigaba da horar da jami’an EFCC a muhallinmu wani karin haske ne da ke nuna yadda ake da kyakkyawar alakar aiki tsakanin hukumar da ta ‘yansanda.
“Don haka a shirye muke mu cigaba da basu dama su yi kowani irin horo a cibiyarmu.”
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
