Gwamnan Jihar Adamawa, Ahmadu Umaru Fintiri ya amince da biyan sabon mafi karancin albashi na kasa N70,000 ga ma’aikatan jihar daga watan Agusta.
Shugaban kungiyar kwadago, NLC na jihar, Comrade Emmanuel Fashe ne ya sanar da hakan bayan ganawar sirri da gwamnan a fadar gwamnatin jihar.
- Ku Taimaka Ku Ceto Ni Daga Masu Garkuwa – Sarkin Kudun Gatawa
- Gwamnati Za Ta Hukunta Jami’o’in Da Suka Gaza Miƙa Sunayen Ɗalibansu Kan Lokaci
A baya dai, Gwamna Fintiri ya yi alkawarin aiwatar da kudurin gwamnatin tarayya na sabon mafi karancin albashi a yayin bikin ranar Mayun 2024.
A cewar Fashe, tuni ofishin Akanta Janar na jihar ya fara aikin sabunta albashin watan Agusta.
Sai dai kuma, ma’aikatan kananan hukumomi za su jira har zuwa watan Satumba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
