Gwamnatin Jihar Kaduna Ta Dawo Da Malaman Makarantar Firamare 1,288 Da Ta Kora Daga Aiki

Gwamnatin jihar Kaduna ta amince da maido da malaman firamare 1,288 da aka kora daga aiki a watan Yunin 2022 bayan kammala jarrabawar tantancewa.

Hajiya Hauwa Mohammed jami’ar hulda da jama’a ta hukumar kula da ilimin bai daya ta jihar Kaduna SUBEB ce ta bayyana hakan a wata sanarwa da ta fitar a Kaduna ranar Laraba.

• Rayuwata Na Cikin Hadari – Kwamishinan INEC A Adamawa

Mohammed ta bayyana cewa Malamai 1,266 ne suka zana jarabawar tantancewar yayin da wasu 22 kuma aka cire su daga cikin tsarin biyan albashin gwamnati kan zargin da ake musu na rashin gaskiya.

Hukumar a watan Yunin 2022 ta kori malaman firamare 2,357 sabida gaza samun makin din da ake bukata yayin zana jarabawar tantancewar.