Gwamnatin tarayya ta hannun ma’aikatar gidaje da raya birane ta tarayya ta kaddamar da gina rukunin gidaje 500 a Kano a karkashin shirin shugaban kasa, Bola Tinubu mai taken: “Renewed Hope Cities and Estates Programme”.
Gwamna Abba Kabir Yusuf na Kano ne ya jagoranci bikin kaddamar da gina gidajen tare da ministan gidaje da raya birane Arc. Ahmed Musa Dangiwa, a kauyen Lambu, karamar hukumar Tofa.
Gwamna Yusuf ya godewa shugaban kasa Tinubu bisa jajircewarsa wajen magance matsalar gibin gidaje a Nijeriya. Ya kuma bayyana cewa, shirin zai taimaka wajen dakile yaduwar matsugunan da ake ginawa ba bisa ka’ida ba da kuma rage karancin gidaje a jihar.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
