Gwamnatin Tarayya Za Ta Samar Da Cibiyoyin Koyon Sana’o’i Fiye Da 24

Gwamnatin Tarayya da hadin gwiwar Asusun Tallafawa Manyan Makarantu (TETFund), za ta samar da cibiyoyi fiye da 24 na fasaha da kirkire-kirkire a fadin Nijeriya don baiwa ‘yan Nijeriya damar bunkasa sana’o’insu.

Ministan Ilimi, Farfesa Tahir Mamman ne ya bayyana haka a Abuja, lokacin da ya kai ziyara cibiyar Innov8 Hub, tare da masu ruwa da tsaki ciki har da babban sakatare na TETfund, Arch. Sonny Echono.

• Mazauna Yankunan Karkarar Sin Sun Samu Karin Kyautatuwar Rayuwa
• Gwamnatin Jigawa Za Ta Raba Kayan Abinci Don Rage Raɗaɗin Tsadar Kaya Da Azumi

Innov8 cibiya ce mai horar da matasa fannin kirkire-kirkire da Fasahohi.

Mammam ya ce shirin samar da cibiyoyin fasaha fiye da 24 a fadin kasar nan, an yi shi ne don baiwa matasa ‘yan Nijeriya damar samun sana’o’i da fasahohi a bangarori daban-daban.