Gwamna Dauda Lawal ya bayyana cewa al’ummar jihar Zamfara sun amince da gwamnatinsa, don haka ba zai ji tsoron sake zaben ba kamar yadda kotun daukaka kara ta Abuja ta bayar.
Gwamnan wanda ya dawo jihar a ranar Litinin din da ta gabata daga wata ziyarar aiki da ya kai kasar waje, ya samu tarba daga dimbin magoya bayansa yayin da ya iso Gusau, babban birnin jihar.
LEADERSHIP ta ruwaito cewa, a makon da ya gabata ne kotun daukaka kara ta soke nasarar zaben gwamna Lawal na jam’iyyar PDP, inda ta umarci INEC da ta sake gudanar da zabe a kananan hukumomi uku na jihar.
