Gwamnan Jihar Zamfara kuma dan takarar Gwamnan Jihar a karkashin jam’iyyar APC, Bello Matawalle, ya nuna cewa, bisa ga dukkanin alamu nasara ta su ce, don haka ya nuna kwarin guiwar na lashe zaben.
Bello ya kuma yaba kan yadda zaben gwamna da ‘yan majalisun jihar ya gudana a ranar Asabar, musamman yadda jama’a suka fito sosai domin neman damar kada kuri’arsu.
- Zaben Gwamna: Kwamishina Ya Tsallake Rijiya Da Baya A Hannun ‘Yan Daba A ZamfaraÂ
- Matashin HK Ya Bayyana Kwarin Gwiwa Kan Kwanciyar Hankalin Yankin A Taron MDD
Da ya ke yibwa manema labarai jawabi bayan kada kuri’arsa a rumfar Danfili mai Lanba 012 a garin Maradun, Matawallle ya bayyana jin dadinsa da shirye-shiryen da INEC ta yi na gudanar da zabukan gwamnoni da na ‘yan majalisar jiha.
Ya kuma yaba wa jami’an tsaro bisa jajircewar da suka yi na wanzar da zaman lafiya a lokacin zaben.
Bello, ya yi kira ga al’ummar jihar da su kasance masu bin doka da oda a harkokin yau da kullum.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
