Hukumar zabe mai zaman kanta ta kasa INEC ta yi fatali da kiraye -kirayen da jam’iyyun LP da PDP da ADC ke yi na cewa, shugaban hukumar INEC na kasa Farfesa Mahmood Yakubu, ya sauka daga kan mukaminsa.
Har ila yau, INEC ta ce zargin da sanata Dino Melaye ya yiwa Yakubu cewar, ya yiwa wasu jam’iyyun aringizon kuri’a a zabukan 2023, karya ce tsagwaronta wacce kuma babu wani tushe ballantana makama.
Jaridar LEADERSHIP ta ruwaito cewa, jam’iyyu uku a yau talata sun nuna rashin gamsuwarsu akan shugabancin Yakubu inda suka bukaci ya sauka daga kan mukaminsa.
Amma a cikin sanarwar da hadimin yada labarai na shugaban Rotimi Oyekanmi ya fitar, INEC ta gudanar da sahihi kuma ingantaccen zabe.
A cewar sanarwar, duk wanda ya ke ganin bai gamsu da sakamakon ba, zai iya garzayawa kotu.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
